(07.05.2013) යාපනයේ ගුරුනගර් හි පිහිටි නෝත් සී මාළු දැල් කර්මාන්ත ශාලාව නවීකරණය කෙරේ. මෙම ව්‍යාපෘතියට වැයවන මුදල රුපියල් කෝටි 16කට අධිකය.

(29.04.2013) දැනුම කේන්ද්‍රීය කරගත් සංවර්ධනයක් රට තුළ ඇති කිරීම සඳහා ආර්ථික සංවර්ධන අමාත්‍යාංශය මඟින් අමාත්‍ය බැසිල් රාජපක්ෂ මහතාගේ මෙහෙයවීමෙන් ආරම්භ කරනු ලැබූ ප‍්‍රාථමික පාසල් 5000ක් සහ ද්විතීයක පාසල් 1000ක් ප‍්‍රතිනිර්මාණය කිරීමේ වැඩසටහනේ අවසන් අදියර යටතේ තෝරාගනු ලැබූ පාසල් 6,000ක ඉදිකිරීම් කටයුතු මේ වන විට සාර්ථක ව සිදු වෙමින් පවතින අතර එය මැයි 05වැනිදා නිමාවට පත්වේ.

(23.04.2013) වසර ගණනාවක සිට ඉතා අපිරිසිදු ජලයෙන් සහ දුර්ගන්ධයෙන් යුත් ස්ථානයක් බවට පත්ව තිබූ හැමිල්ටන් ඇල ආර්ථික සංවර්ධන අමාත්‍යාංශය මගින් සංචාරක ප්‍රවර්ධන කටයුතු සහ සේවා වැඩි දියුණු කිරීම යටතේ මේ වන විට ඉතා ආකර්ශනීය ‍මෙන්ම ජනතාවට වඩාත් හිතකර මට්ටමකට පත්ව තිබේ.

(22.04.2013) ඉහළ මට්ටමේ පහසුකම්වලින් යුත් මෘතෘ සහ ළමා සායන ගරුත්වයට ඔබින පරිදි ලංකාව පුරා ම සංවර්ධනය කිරීමට රජය තීරණය කර ඇති බවත් මහින්ද චින්තන ඉදිරි දැක්මේ මවට මුල් තැන යන්න සෑබෑවක් කරමින් එම වැඩසටහන දියත් කරන බවත් ආර්ථික සංවර්ධන අමාත්‍ය බැසිල් රාජපක්ෂ මහතා ප‍්‍රකාශ කළේය.

(22.04.2013) අභාවයට යමින් තිබූ උළු කර්මාන්තයට නව පණක් ලබාදෙමින්, වසාදමා තිබූ උළු කර්මාන්ත ශාලා 156ක කටයුතු දිවි නැඟුම ජාතික වැඩසටහන යටතේ යළි ආරම්භ කිරීමට ආර්ථික සංවර්ධන අමාත්‍යාංශය පියවර ගෙන ඇත. ඒ සමඟම දස දහසකට අධික පිරිසකට යළිත් වරක් රැකියා අවස්ථා උදාවී තිබෙන අතර එය රටේ විරැකියාව අවමකර ගැනීමට හේතුවක් වන බවද ආර්ථික සංවර්ධන ඇමැති බැසිල් රාජපක්ෂ මහතා පවසයි.

(18.04.2013) ආර්ථික සංවර්ධන අමාත්‍යාංශය යටතේ කි‍්‍රයාත්මක පළාත් මාර්ග කාපට් කිරීමේ ව්‍යාපෘතියේ ප‍්‍රයෝජනය සඳහා  විදුලි ජනක යන්ත‍්‍ර අදාළ ආයතන වෙත ප‍්‍රදානය කිරීම ආර්ථික සංවර්ධන අමාත්‍ය බැසිල් රාජපක්ෂ මහතාගේ ප‍්‍රධානත්වයෙන් රාජ්‍ය ආරක්ෂක අමාත්‍යාංශයේ ගුවන් යානා අංගනයේ දී ඉකුත් දා සිදුවිය.

(18.04.2013) උතුරු නැගෙනහිර ප්‍රදේශයන්හි ජනතාවගේ රැකියා විරහිතභාවයේ සීග්‍ර අඩු වීමක් දක්නට ලැඛෙන බව ආර්ථීක සංවර්ධන අමාත්‍ය බැසිල් රාජපක්ෂ මහතා පවසයි.

(17.04.2013) තංගල්ල විදේශ සේවා නියුක්ති කාර්යාංශය දිවයින පුරා ඉදිකරනු ලබන පුහුණු හා විගමනික සම්පත් මධ්‍යස්ථාන අතරින් පළමු ආදර්ශ පුහුණු හා විගමනික සම්පත් මධ්‍යස්ථාන ඊයේ (16) තංගල්ල, ගොඩිගමුව, යායවත්තේ දී ජනාධිපති මහින්ද රාජපක්ෂ මැතිතුමා අතින් විවෘත කෙරිණි.

(17.04.2013) උසස් තත්ත්වයේ වාණිජ ගොවිපොළවල් 250ක් මේ වසර තුළ අලුතින් ඇති කිරීමට කෘෂිකර්ම අමාත්‍යාංශය වැඩසටහනක් හඳුන්වා දී තිබෙන බවත් එළවළු, පලතුරු, අල හා අතිරේක භෝග වගාවන් ගෙන් සමන්විත මෙම ගොවිපොළවල් මුළු දිවයින ම ආවරණය වන පරිදි ආරම්භ කිරීමට සැලසුම් කර ඇති බව කළුතර දිස්ත‍්‍රික් කෘෂිකර්ම අධ්‍යක්ෂිකා ජේ.ඩී. වීරසූරිය මහත්මිය පවසයි.

(17.04.2013) රත්නපුර දිස්ත‍්‍රික්කයේ කලවාන, රක්වාන, රත්නපුර, පැල්මඩුල්ල, නිවිතිගල, බලංගොඩ සහ කොළොන්න මැතිවරණ බලප‍්‍රදේශවල මෙතෙක් විදුලිය පහසුකම් නොලැබූ දුෂ්කර ගම්මාන ඉලක්ක කරගනිමින් විදුලිබල හා බලශක්ති අමාත්‍යාංශය මගින් ඉදිකළ තවත් විදුලි ව්‍යාපෘති සහ විදුලි දිගු 26ක්, මාර්තු 29 වන දින සිට අපේ‍්‍රල් 11 වන දින දක්වා වන දෙසතිය ඇතුළත ජනතා අයිතියට පත්කෙරිණි.

(16.04.2013) බි‍්‍රතාන්‍ය සහ ශී‍්‍ර ලංකාව අතර සෘජු ගුවන් සේවා වසර 15කට පසු ආර්ථික සංවර්ධන අමාත්‍ය බැසිල් රාජපක්ෂ මහතාගේ ප‍්‍රධානත්වයෙන් අපේ‍්‍රල් 15වන සදුදා පස්වරුවේදී කටුනායක ගුවන්තොටුපොළේදී ඇරඹිණි.

(12.04.2013) වී අලෙවි මණ්ඩලය විසින් ඉතිහාසයේදී මිලදීගත් වැඩිම වී තොගය මෙවර 2012/ 2013 මහ කන්නයේදී සිදු කරන ලද බව සමූපකාර හා අභ්‍යන්තර වෙළෙඳ අමාත්‍ය ජොන්ස්ටන් ප්‍රනාන්දු මහතා පැවසීය.

(12.04.2013) ග්‍රාමීය මාර්ග සඳහා ධාවනයට සුදුසු ආසන 33 තනි දොර බස්රථ 200 ලබාදීමේ වැඩසටහන යටතේ බස් රථ 60ක් ශ්‍රී ලංගම ඩිපෝ සඳහා ලබාදීම 11 වැනි දා ප්‍රවාහන අමාත්‍ය කුමාර වෙල්ගමගේ ප්‍රධානත්වයෙන් කැස්බෑව ඩිපෝ පරිශ්‍රයේ දී පැවැත්විණි.

(11.04.2013) කොළඹ කොටුව සිට රාගම දක්වා වූ තෙවැනි දුම්රිය මාර්ගය වාහන අමාත්‍ය කුමාර වෙල්ගම මහතාගේ ප්‍රධානත්වයෙන් විවෘත විය. මෙම අවස්ථාවට සමඟාමී ව කැලණි පාලම හා කැලණිය දුම්රිය ස්ථානයේ තෙවැනි වේදිකාව විවෘත කිරීම ද අමාත්‍යවරයා අතින් සිදු කෙරිණි.  

(10.04.2013) මාහාමාර්ග, බොක්කු සහ පාලම් ඇතුළු යටිතල පහසුකම් දිවයින පුරා ග්‍රාමීය පෙදෙස්වල ඉදි කරමින් ආර්ථික සංවර්ධන අමාත්‍යාංශය කඩිනම් සංවර්ධන ක්‍රියාදාමයක් දියත් කර ඇත.